Efling og Samband íslenskra sveitarfélaga semja – Segir kjarabætur beinan árangur af verkfallsaðgerðum

Stétt­ar­fé­lagið Efling og Samband íslenskra sveit­ar­fé­laga und­ir­rit­uðu nýjan kjara­samn­ing laust fyrir mið­nætti og er verk­falli Eflingar í Kópa­vogsbæ, Sel­tjarn­ar­nesbæ, Mos­fellsbæ, Sveit­ar­fé­lag­inu Ölfusi og Hvera­gerð­isbæ er því aflýst.

Kjara­samn­ing­ur­inn er sam­bæri­legur og sá sem Efling og Reykja­vík­ur­borg und­ir­rit­uðu í mars. Sólveig Anna kall­aði eftir því að sá samn­ingur ryði hafður til hlið­sjónar við gerð samn­ings við Samband íslenskra sveit­ar­fé­laga.

Í samn­ingum er meðal ann­ars kveðið á sam­tals 90 þús­und króna hækkun grunn­launa í grunn­þrepi yfir samn­ings­tím­ann og stytt­ingu vinnu­vik­unnar.

Sólveig Anna segir kjara­bæt­urnar beinan árangur af verk­falls­að­gerðum.

„Með auka­greiðsl­unni hefur náðst fram sam­bæri­leg kjara­bót og í samn­ingum félags­ins við ríkið, Reykja­vík­ur­borg og Faxa­flóa­hafnir. Þessar kjara­bætur fyrir lág­launa­fólk hjá sveit­ar­fé­lög­unum, að stórum hluta konur í umönn­un­ar­störfum, er beinn árangur af verk­falls­að­gerðum og stað­fastri bar­áttu félags­manna á Höf­uð­borg­ar­svæð­inu öllu síðan í byrjun febr­úar,“ er haft eftir Sólveigu Önnu Jóns­dóttur, for­manni Eflingar, í til­kynn­ingu um nýja samn­ing­inn.

Sjá einnig: Segir eðli­legt að gera sam­bæri­legan samn­ing við sveit­ar­fé­lögin