Albanir svara fyrir hópárásina – „Þeir voru ó­heppnir að lenda á spítala, það er ekki okkur að kenna“

Angjelin Sterkaj, einn af albönsku dyra­vörð­unum sem tók þátt í hópslags­mál­unum í mið­borg­inni um síð­ustu helgi, segir þát­töku sína og félaga sinna hafa verið sjálfs­vörn. Að það hafi verið skipu­lagt að ráð­ast á þá með hnífum og kylfum í mið­borg­inni.

Hander Maria de la Rosa sagð­ist í sam­tali við Mannlíf ótrú­lega feg­inn að hafa sloppið lif­andi frá hópslags­mál­unum. Hann segir að árás­ar­menn­irnir hafi reynt að stinga hann í höf­uðið en hann hafi náð að koma hönd sinni fyrir þannig að hníf­ur­inn rauf þar slagæð.

Þetta er ekki í fyrsta sinn sem þessi sami hópur karl­manna ræðst á Hander. Í nóv­em­ber síð­ast­liðnum kjálka­brotn­aði hann við árás og þá árás kærði hann til lög­reglu. Að hans sögn vildi hóp­ur­inn að þessu sinni fá hann til að draga kæruna til baka og þagar hann hafn­aði þvi hafi þeir ráð­ist á sig. Þegar menn­irnir sáu til Hander í mið­bænum, þar sem hann var að fagna afmæli vinar síns, réð­ust þeir á hann. „Ég var búinn að kæra þennan sama hóp eftir að með­limir hans réð­ust að mér með kylfum og ég lá á spít­ala í nokkra daga. Þessi árás sner­ist um að ég dragi kæruna til­baka, þannig byrj­aði þetta. Ég sagði þeim að ég myndi ekki gera það og þá var bara ráð­ist á mig,“ sagði Hander.

Þessu hafnar Angjelin í sam­tali við Frétta­blaðið og segir að Alb­an­irnir hafi ein­fald­lega þurft að verja sig. „Þeir mættu með hnífa, þeir mættu með járn­kylfur og réð­ust á okkur. Hvað áttum við að gera? Við vorum bara að verja okkur. Þeir voru ó­heppnir að lenda á spít­ala, það er ekki okkur að kenna,“ segir Angjelin sem sárnar að verið sé að mála Albani sem ill­þýði. Hann er einn þeirra fjög­urra sem eru með réttar­stöðu sak­born­ings eftir slags­málin.

Angjelin ítrekar að Hander og félagar hafi átt upp­tökin að slags­mál­unum og að þetta hafi verið þauskipu­ögð árás af þeirra hálfu. „Málið er að þarna eru dyra­verðir sem eru í vinn­unni og þess vegna koma þeir í bæinn til þeirra. Ef ein­hver kemur á þinn vinnu­stað og kýlir þig í and­litið, hvað myndir þú gera? Þetta var bara sýn­ing og sér­stak­lega að gera þetta í mið­bænum. Ef það eru vanda­mál milli mín og ein­hvers myndi ég bara finna þann aðila og berja hann. Af hverju í and­skot­anum ætti maður að gera það í miðjum mið­bænum,“ segir Angjelin.