Sigurrós nokkur, íbúi í Borgarnesi, er verulega ósátt eftir að viðskiptavinir sýndu af sér rasíska hegðun á vinnustað hennar, veitingaskála N1 í Borgarnesi. Hún segist sjálf lítið fyrir að kvarta en í þetta sinn geti hún ekki orða bundist.
Sigurrós segir frá reynslu sinni inni í fjölmennum hópi afgreiðslufólks á Facebook, Sögur af dónalegum viðskiptavinum. Þar segir hún:
„Ég og vinnufélagar mínir voru að vinna erum að vinna á N1 Borgarnesi. Þar sem grillið lokar klukkan 22:00, komu inn fjórir kúnnar, tvær stelpur og tveir strákar, um svona 21:57 leitið og spurðu hvort grillið væri opið. Við náttúrulega sögðum já, en það sannarlega skaut okkur í rassinn því jesús ókurteisin sem við fengum var svakarleg og vinnufélaginn minn er asísk og vegna þess fékk hún allt framan í sig. Einn strákurinn var að segja hella mikið rasísk orðbrögð, það týpíska mest Ching Chong því hún talaði ekki hreina Íslensku. Hélt að fólk svo ungt (þau litust um að vera i kring 20-23 ára) myndi ekki haga sér svona en greinilega… ef fólk heldur að rasismi sem ekki mikill á Íslandi þá þarf soldið að líta í spegill!!!“
Viktor vonar að rasismanum hafi verið svarað með aðgerðum. „Persónulegar árásir á starfsfólk eru aldei í lagi. Vona að þið neituðu afgreiðslu, buðu endurgreiðslu og vísuðu þeim út,“ segir Viktor.
Ásgeir á varla til orð yfir þessu. „Jaa hérna… þvílíkur ruddaskapur, svakalega er leiðinlegt að heyra um dónaskapinn gagnvart vinnufélaga þínum, hún hefur afgreitt mig og hún er æði…. En dónar ársins eru fundnir,“ segir Ásgeir.
Margrét skilur ekki svona framkomu. „Að koma illa fram við fólk sem býr til matinn þinn er sérstaklega merkilegt fyrirbæri,“ segir Margrét.
Athugasemdir