Önnur móðir lýsir ófremdarástandi á Sælukoti. Tveggja ára börn ein og án eftirlits í lokuðu rými

Mannlífi hafa borist ábend­ingar er varða leik­skól­ann Sælukot og virð­ast frá­sögn­unum ekki ætla að linna. Óvíst er hvernig Reykja­vík­ur­borg hafi tekið á mál­inu að svo stöddu en ljóst er að til­kynn­ing­arnar eru orðnar margar.

Í gær sagði önnur móðir reynslu sína af leik­skól­anum, en í síð­asta mán­uði hafði móðir stigið fram og sagt sína reynslu. Grunur lék á að barn kon­unnar hafi orðið fyrir ofbeldi af hálfu starfs­manns. Þá ræddi Mannlíf einnig við leik­skól­ann vegna máls­ins sem kvaðst hafa sýnt for­eldra­ráði trún­að­ar­gögn frá Barna­vernd.

Móðirin segir að hún hafi byrjað að hafa áhyggjur af mál­þroska barns­ins en fór barn­inu aftur í tali eftir að það byrj­aði á leik­skól­anum.

„Hún kunni að telja og kunni liti, svo fór hún að rugla öllu saman þegar leik­skól­inn byrj­aði. Þegar við vorum að telja sagði hún þá einn , og svo two , three, four,“

Þá segir móð­irin að hún hafi spurt út í þetta, og sent tölvu­póst . En velti hún því líka fyrir sér hvort nógu margir íslensku­mælamdi væru við leik­skól­ann, enda mik­il­vægt fyrir málörvun barn­anna.
Móðirin segir svarið frá leik­skól­anum ekki eiga við rök að styðj­ast. Henni hafi verið til­kynnt að mikil íslenska væri töluð við leik­skól­ann.

„Það væru bara tveir starfs­menn sem töl­uðu ekki íslensku, sem er bara bull því það voru að minnsta kosti fjórir. Og sam­kvæmt því þá væru tíu starfs­menn á leik­skól­anum,“ segir móð­irin og bætti við að það gæti hrein­lega ekki stað­ist vegna fjölda barna við leik­skól­ann

Einn morg­un­inn sem móð­irin segir frá hafi hún mætt seint með barn sitt á leik­skól­ann. Þegar hún kom á stað­inn var eng­inn kenn­ari sjá­an­legur og ákvað hún að bíða inn á stof­unni eftir kenn­ar­anum. Börnin  sem voru um tveggja ára aldur hafi verið skilin eftir ein á deild­inni, í lok­uðu her­bergi án eft­ir­lits.

„Ég kom einu sinni seint, og það var bara eng­inn inni í stof­unni hennar. Ég bíð bara og ég var búin að vera inni í stof­unni hennar í svona korter þegar kemur kenn­ari“.

Móðirin segir það ljóst að barnið hennar hafi ekki fengið þá talörvun sem börn þurfa við leik­skól­ann og eins áður hafn­aði rekstr­ar­að­il­inn því alfarið er móð­irin spurði.

„Þá sagði hún að það væri allt sungið á íslensku og að börnin lærðu allt á íslensku. Það er bara ekki séns,“ segir hún.

„Þau sögðu mér að ég gæti bara hætt ef ég væri ekki ánægð,“
Þegar móð­irin er spurð hvern hún ætti við með ,,þau’’ segir móð­irin að hún eigi við rekstr­ar­að­il­ann.