Þetta fá börnin á Seltjarnarnesi að borða í skólanum – „Ok hvaða djók er þetta!“

Fyrr­ver­andi ráð­herr­ann, Gylfi Magn­ús­son, furðar sig á því fæði sem nem­endum á Sel­tjarn­ar­nesi er boðið upp á. Hann virð­ist ekki sá eini því fjöl­margir bæj­ar­búar taka undir með honum eftir að hann birti mynd af mat­ar­diski sem börnum var boðið uppá.

Þennan mat fengu nem­endur í Val­húsa­skóla og kall­ast rétt­ur­inn „Hakk­réttur með kart­öflumús“.

Gylfi birti mynd­ina í hópi hverf­is­búa á Facebook og í kjöl­farið varð allt vit­laust í hópnum þar sem flestir íbú­arnir eru ósáttir með skólamat­inn. En þó ekki allir og Konráð nokkur er einn þeirra sem tekur til varna fyrir fæðið. „Lítur ekki illa út. Sé ekk­ert að þess,“. segir Konráð. Ásdís er sam­mála. „Er ég ein um að finn­ast þetta bara girni­legur hakk­réttur? Einhvers konar grýta/chili con carne. Strák­ur­inn minn elskar svo­leiðis,“ segir Ásdís.

Heiður er ein þeirra mörgu sem hneyksl­ast hins vegar á skólamatnum. „Ok hvaða djók er þetta!,“ spyr hún. Og Elísabet og dætur hennar geta ekki meir. „Dætur mínar eru að gef­ast upp á skóla­mat. Eru núna tvisvar í viku í mat en samt alltaf tekið með nesti þá daga ef mat­ur­inn skyldi vera óætur,“ segir Elísabet.

Sigurði finnst þetta fyrir neðan allar hellur. „Þessi matur frá Skólamat er hrylli­legur. Er ekki bara hægt að end­ur­vekja eld­hús bæj­ar­fé­lags­ins og fara að elda góðan heim­il­is­mat úr góðum hrá­efnum?,“ spyr Sigurður.

Hvar er fjöl­breytnin, spyr Dóra. „Þetta er í þriðja sinn í haust, skv. viku­mat­seðli frá Skólamat sem þessi sami réttur er boð­inn börn­unum: Hakk­réttur með kart­öflumús. Hinir hakk­rétt­irnir eru víst „eins” á bragðið en þeir eru víst reglu­lega á boðstólnum líka.“

Karl Pétur Jónsson, tenga­sonur Ólafs Ragnars Gríms­sonar, fyrr­ver­andi for­seta, lét ekki bjóða sér skóla­fæðið lengur. „Öll börnin okkar eru hætt í mat og taka með sér mat að heiman,“ segir Karl Pétur.