Logar allt á Matartips! eftir heimsókn Rakelar á Stokkseyri: „Mjög óspennandi og dýrt“

Rakel var ekki sátt með varn­ing­inn og verð­lagið í sjopp­unni á Stokks­eyri eftir nýlega heim­sókn þangað. Ekki bara var mat­ur­inn að hennar sögn mjög óspenn­andi heldur einnig dýr.

Rakel segir frá upp­lifun sinni í fjöl­mennum hópi mat­gæð­ina á Facebook, Mat­ar­tips!. Þar segir hún:

„Mæli alls ekki með fjöl­skyldutil­boð­inu á ham­borg­ur­unum í sjoppuni á Stokks­eyri. 6.900 kr fyrir 4 ham­borg­ara með milli­stærð af frönskum og 2l pepsi. Ekkert nema sósa, ostur og smá kál á borg­ur­unum. Mjög óspenn­andi og dýrt.“

Óhætt er að segja að allt logi í hópnum eftir færsl­una þar sem skiptar skoð­anir koma fram. Sumir verja sjopp­una á meðan aðrir virð­ast hafa upp­lifað svipað. Birna er ein þeirra síð­ar­nefndu. „Hahahaha var einmitt að koma þaðan. Fyrir 2 ham­borg­ara með sósu, osti og örlitlu káli, 2 ham­borg­ara með tómats­sósu, frönskum sem þær meira að segja gleymdu fyrst, 2l. Pepsí og 2×200 krónur bland í poka borg­aði ég 7530. Þeir voru alls ekki góðir, hund­ur­inn fékk barna­borg­ar­ana því börnin vildu þá alls ekki. Fáránleg verð­lagn­ing og gæðin hræði­leg,“ segir Birna.

Inga er ósam­mála. „Mér finnst það ekki dýrt. Deilt með fjórum um 1700 kr fyrir mann­inn,“ segir Inga. Arilius ver einnig sjopp­una. „Vitleysa er þetta. Mjög gott grill þarna og pizzurnar virki­lega gòðar. Brauð­stang­irnar sìðan þær bestu sem ég hef smakkað á land­inu. Topp­staður,“ segir Arilius ákveð­inn.

Guðjóna veit hver vanda­málið er. „Þetta er pínu­lít­ill staður í pínu litlu bæj­ar­fé­lagi þar sem traffíkin er engin og flutn­ings­kostn­aður hár og við­skipta­vild hjá birgjum engin.Respect að halda þessu gang­andi.Kvarta svo beint í eig­endur það virkar allt best,“ segir Guðjóna.