Anna Kristjáns getur varla meira af Íslandi: „Vegna þess að ég þjáist af mótþróa“

Vél­stjór­inn fyrr­ver­andi, Anna Krist­jáns­dóttir, getur varla beðið eftir því að kom­ast frá Íslandi því hér geti hún ekki verið lengur vegna kuld­ans. Hún von­ast til þess að ná að þrauka nokkra daga í við­bót án þess að gef­ast upp.Þetta kemur fram í nýj­ast pistli Önnu á Facebook þar sem hún fjallar um veru sína á Íslandi yfir jólin. Hún bíður spennt efitr því að kom­ast í róleg­heitin á eyj­unni fögru.„Var ég nokkuð búin að segja ykkur frá því að ég er kulda­skræfa? Ef þið vissuð það ekki áður, þá vitið þið það núna. Af herju haldið þið að ég hafi valið véla­rúmið en ekki dekkið sem ung­lingur að aldri? Jú, alveg rétt. Það er af því að ég er kulda­skræfa,“ segir Anna og heldur áfram:„Síðan ég kom til Íslands fyrir viku síðan hefur verið kalt hérna, ískalt og mér hefur líka verið kalt. Ég ætla samt að þrauka í fimm daga í við­bót, ekki í þeirri von að ég muni venj­ast kuld­anum, frekar vegna þess að ég þjá­ist af mót­þróa. Ég gefst ekki upp fyrr en í fulla hnef­ana og ég skal þrauka hér fram á laug­ar­dag.“

Þetta er alls ekki fyrsta skiptið sem Anna skrifar um veðrið og kvartar undir því íslenska. Anna hefur haldið úti færslum á Facebook í 842 daga en flesta pistl­ana skrifar hún á Tenerife, þar sem hún býr. Á dög­unum opn­aði hún sig um mun­inn á veðr­inu á Íslandi og á Tenerife:

„Á Íslandi er veðrið vont, það er marg­breyti­legt en nán­ast alltaf vont. Þar ríkir kuldi og þar ríkir bleyta eða snjó­koma. Ef að kemur fyrir að að sést til sólar er venju­lega svo kalt að best er að halda sig inn­an­dyra og kall­ast slíkt glugga­veður. Stundum verður veðrið veru­lega vont. Það kall­ast bræla ef er til sjós, ann­ars rok og rign­ing ef er á þurru landi. Við skulum ekk­ert nefna ísing­ar­veðrin, stundum kölluð mann­dráps­veður. En það er sjaldn­ast gott veður á Íslandi. Ég minn­ist þó eins dags í byrjun ágúst, senni­lega um 2006 sem hit­inn fór í 25,4°C í Reykja­vík og var kallað hita­met enda hita­bylgja í gangi að mati eyja­skeggja á Íslandi.“

En hvernig er þá veðrið á Tenerife?

„Á Tenerife er veðrið gott, það er marg­breyti­legt en nán­ast alltaf gott. Þar ríkir hlýja og þar ríkir sól­skin og bað­veður. Þá sjaldan sem ský dregur fyrir sólu er kvartað, en það kemur samt fyrir og rign­ingin á það til að koma um hávet­ur­inn. En ég hefi líka séð næt­ur­hit­ann fara niður í 13°C í jan­úar. Veðrið er svo sann­ar­lega marg­breyti­legt á Tenerife, en öfugt við Ísland, nán­ast alltaf gott. Þess vegna kýs ég að búa á Tenerife, en ekki á Íslandi því hér er ynd­is­legt að vera.“