Ástargúrúinn genginn út: „Þess vegna bað ég þessa mögnuðu mannveru að giftast mér“

Hinn geð­þekki og marg­róm­aði ást­ar­fræð­ingur, Matthew Hussey bað kær­ustu sína Audrey um að gift­ast sér á Val­entí­us­ar­dag­inn. Með færsl­unni deilir hann ljós­myndum af sér og henni, frá fyrsta kvöld­inu sem þau hitt­ust og svo í dag.

„Fyrri ljós­myndin er tekin kvöldið sem Audrey og ég hitt­umst! Hversu magnað er það að eiga mynd af okkur frá fyrstu kynnum?,“ segir Matthew og segir til­viljun eina ráða því að nú tveimur árum seinna hafi hún borist þeim frá ljós­mynd­ar­anum.

„Ég ætl­aði ekki einu sinni í þetta partý,“ segir hann en Matthew var nýlentur í London eftir Amer­íkuflug og að vinur hans hafi dregið hann með.

Vinur hans hafi tekið hann á tali á leið­inni í veislu og sagt: „Það er stelpa sem verður í veisl­unni og allir strák­arnir eru skotnir í, – Við erum allir hræddir um að þú munir stela henni af okkur.“ Matthew vissi ekki um hverja ræddi en þegar hann mætti hafi ekki liðið nema örfáar mín­útur þangað til hann vissi.

Matthew seg­ist hafa verið límdur við hnefa­leik sem sýndur hafi verið í sjón­varp­inu umrætt kvöld en athygli hans hafi leitt að þess­ari bráð­huggu­legri konu sem vatt sér upp að honum og þau endað á að ræða saman í átta klukku­stundir.

Í færsl­unni vitnar hann í David Brookes:

„Hjóna­band er 50 ára sam­tal. Hef ég kynnst ein­hverjum sem ég get talað við svo lengi?“

Matthew svarar spurn­ing­unni:

„Já ég hef kynnst henni. Það er þess vegna sem ég bað þessa mögn­uðu mann­veru að gift­ast mér.“

„Ég trúi því ekki að ég fái að byggja upp lífið með ein­hverri jafn-frá­bærri og þér. Ég er asna­lega spenntur að upp­lifa með þér – að vera full­orðin og upp­lifa alla full­orð­ins­legu hlut­ina saman, þó ævin­lega vera þessi tvö litlu sem reyna hvort við annað.“