Nemandi við háskólann í Pittsburgh hvarf í vorfrísferð (e. Spring Break) sinni til Dóminíska lýðveldisins og yfirvöld segja að hún hafi síðast sést rölta á ströndinni.
Sudiksha Konanki, 20 ára nemandi, hvarf þegar hún var á ferð með vinum sínum til Punta Cana, smábæjar í austurhluta eyríkisins. Konanki sást síðast klukkan 4:50 að staðartíma á fimmtudag á Riu Republica-dvalarstaðnum samkvæmt auglýsingu sem hefur verið deilt á netinu.
Sama auglýsing lýsir henni sem 160 cm há, með svart hár og birtir lista yfir fatnaðinn sem hún var í þegar hún hvarf. Hún var í brúnu bikiníi, með eyrnalokka, ökklamen og mörg armbönd.
Háskólinn í Pittsburgh gaf út sína eigin yfirlýsingu en skólayfirvöld þar vinna með yfirvöldum í Virginíu og yfirvöldum í Dóminíska lýðveldinu til að reyna að finna Konanki.
Myndir af björgunartilraunum leitar- og björgunarteyminu Defensa Civil hafa verið birtar á netinu þar sem sjá má tugi fólks í appelsínugulum jökkum leita á eyjunni að Konanki frá og með gærdeginum.
Athugasemdir