Boðar til mótmæla fyrir ríkisstjórnarfund og hvetur til stuðnings í Reykjavíkurmaraþoninu

Félagið Ísland–Palest­ína boðar til mót­mæla við rík­is­stjórn­ar­fund föstu­dag­inn 22. ágúst klukkan 8:45 fyrir utan Stjórn­ar­ráðið við Hverf­is­götu 4. Mótmælin bein­ast að aðgerð­ar­leysi íslenskra stjórn­valda gagn­vart aðgerðum Ísraels á Gaza.

Í til­kynn­ingu félags­ins segir að „hel­för Ísraels á Gaza haldi áfram án nokk­urrar mót­spyrnu alþjóða­sam­fé­lags­ins“ og að það sé ekki aðeins sið­ferð­is­leg heldur einnig laga­leg skylda Íslands að grípa til aðgerða gegn því sem félagið kallar þjóð­ar­morð. Félagið gagn­rýnir að íslensk stjórn­völd hafi ein­ungis sent frá sér yfir­lýs­ingar án þess að fylgja þeim eftir með raun­veru­legum aðgerðum.

„Okkar rödd og afstaða skiptir máli,“ segir í til­kynn­ing­unni þar sem almenn­ingur er hvattur til að mæta og láta í sér heyra.

Hlauparar safna fyrir neyð­ar­að­stoð á Gaza

Félagið minnir einnig á að dag­inn eftir, laug­ar­dag­inn 23. ágúst, fari fram Reykja­vík­ur­mara­þonið þar sem 35 hlauparar taki þátt undir merkjum félags­ins. Þeir hafa nú þegar safnað um einni milljón króna í áheitum sem renna til neyð­ar­að­stoðar á Gaza.

Hvatn­ing­ar­stöð félags­ins verður stað­sett við horn Bakka­stígs og Mýr­ar­götu frá klukkan 9:00, og eru allir hvattir til að mæta og styðja hlauparana.

Þökk sé áheit­unum hefur félagið nýlega getað veitt Palestine Children’s Relief Fund (PCRF) við­bót­ar­fram­lag að upp­hæð tveimur millj­ónum króna. Samtökin sinna meðal ann­ars nær­ingar- og heil­brigð­is­að­stoð fyrir börn á Gaza.

Félagið Ísland–Palest­ína styrkir einnig fleiri palest­ínsk sam­tök, þar á meðal Not to Forget Society í Jenín, AISHA, Women’s Affair Center, auk UNRWA, flótta­manna­hjálpar Sam­ein­uðu þjóð­anna fyrir Palest­ínu.