Kristján Jón Karlsson fyrrverandi leigubílsstjóri man ekki eftir að hafa keyrt barnaníðinginn Ghislaine Maxwell frá Keflavíkurflugvelli til Reykjavíkur enda um tólf ár síðan.
Nafn leigubílsstjórans er meðal fjölmargra nafna sem fram koma í nýjustu birtingu Epstein-skjalanna en í þetta skiptið birti dómsmálaráðuneyti Bandaríkjana um þrjár milljónir skjala og enn bíða álíka mörg skjöl eftir birtingu.
Þó að fjöldi persóna sem fram koma í skjölunum hafi átt í afar vafasömum samskiptum við þau Jeffrey Epstein og Ghislaine Maxwell, er Kristján Jón ekki einn þeirra. Maxwell var hér á landi árið 2013 til þess að koma fram á ráðstefnu Ólafs Ragnars Grímssonar, Hringborð Norðurslóða (e. Artic Circle) til að ræða um hættur sem steðja að hafinu. Samkvæmt skjölunum gisti Maxwell fjórar nætur á 101 Hotel Reykjavík.
Mannlíf heyrði í Kristjáni hljóðið og spurði hann hvort hann muni eitthvað eftir skutlinu en í skjölunum kemur fram að Maxwell hafi greitt 16.000 krónur fyrir ferðina. Óhætt er að segja að hann hafi komið af fjöllum.
„Á ég að hafa keyrt hana? Ég man ekkert eftir því,“ svaraði Kristinn. „Ég get ekki ímyndað mér hvernig mitt nafn hefur komist þarna inn,“ bætti hann við hlæjandi.
En hvað finnst Kristni um það að vera í skjölunum alræmdu?
Kristján Jón skellihlær og segir: „Ég er bara ekki alveg að kaupa þetta. Ég meina mér finnst þetta bara svo fáránlegt en þetta náttúrulega skýrir það af hverju er talað um að þetta séu einhverjar margar milljónir skjala, því má nú aldeilis fyrr vera.“
Kristinn Jón er ekki eini Íslendingurinn sem birtist í skjölunum en listamaðurinn Ólafur Elísson er þar líka en aðeins í tengslum við lista yfir listamenn sem komu til greina til þess að skreyta hina alræmdu eyju Epsteins en barnaníðingnum leist ekki á list Ólafs. Þá eru forsetahjónin fyrrverandi, Ólafur Ragnar Grímsson og Dorrit Mousaieff í skjölunum en Dorrit og Jeffrey voru nágrannar á árum áður. Ekkert bendir til þess að Epstein hafi þekkt Ólaf Ragnar sérstaklega.
Loks hefur mbl.is greint frá því að Kári Stefánsson, fyrrverandi forstjóri Íslenskrar erfðagreiningar, komi fyrir í skjölunum, en það er eins með hann og Kristján leigubílstjóra, að nöfn þeirra koma einfaldlega fram í gögnum sem send hafa verið Epstein.
Epstein-skjölin
Nýjar Epstein-myndir sagðar sýna Andrew prins með ungum konum
Ný skjöl í Epstein-málinu innihalda ásakanir gegn Trump
Clinton segist ekki hafa átt í kynferðislegum samskiptum við konuna í pottinum
Myndband
Yfirlýsing Bills Clinton í Epstein-yfirheyrslu
Volæði Windsor-fjölskyldunnar
Athugasemdir