Segja fólk sem hatar Subway sé haldið minnimáttarkennd

Hlað­varpið Tvær takt­lausar hefur verið að fá meiri og meiri athygli en þátta­stjórn­endur eru þær Íris Kristín Smith, grunn­skóla­kenn­ari og grínisti, og Kristín Við­ars­dóttir, kjarna­stjóri á leik­skóla.

Þátt­ur­inn þykir vera með þeim fyndn­ari sem eru í gangi í dag en í nýjasta þætt­inum ræða Kristín og Íris meðal ann­ars um besta skyndi­bit­ann, skíða­ferð til Akur­eyrar og mini-pils skvísur í Kaup­manna­höfn.

Í þætt­inum greina þær frá sínum þremur upp­á­halds skyndi­bitum. Kristín setur KFC í efsta sætið, Subway í annað og Nings í þriðja sætið. Hins vegar hjá Írisi eru pít­sa­staðir eins og Eldofn­inn og Eld­smiðjan og „allur sá pakki“ í efsta sæti, Subway var svo í öðru sæti og Ham­borg­ara­búlla Tómasar er í því þriðja.

Þá eru þær sam­mála um að Subway fái óþarfa hatur og það hatur komi frá fólki með minni­mátt­ar­kennd.