Valdimar Örn sýndi Ghislaine Maxwell Ísland árið 2014

Leik­ar­inn, söngv­ar­inn og leið­sögu­mað­ur­inn Valdimar Örn Flygenring greinir frá því í færslu á Facebook í dag að hann hafi árið 2014 verið leið­sögu­maður Ghislaine Maxwell í tveggja til þriggja daga ferða­lagi um Ísland. Maxwell var gestur Artic Circle ráð­stefn­unn­ar­innar árið 2014, líkt og árin á undan.

Valdimar seg­ist fyrst nú vera að átta sig á því hver konan hafi verið:

„Ég er að átta mig á þvi að árið 2014 var eg með Frk. G. Nokkra Maxwell á ferða­lagi um Ísland í 2–3 daga að mig minnir … Hún var sendi­herra hafs­ins og pabbi hennar var blaða­út­gef­andi. Getur eig­inl engin önnur verið…. furðu­legt.“

Samkvæmt frá­sögn Valdi­mars voru þau tvö ein á ferða­lagi saman og spjöll­uðu í bílnum:

„Ekkert óþægi­leg, en svo­lítið dul­ar­full. Virtist ekk­ert alltof ham­ingju­söm. Bara við tvö í bílnum á spjalli.“

Hann bætir síðan við:

„Óhuggu­leg þessi heims­ins plott.“

Valdimar veltir því jafn­framt fyrir sér hvaða upp­lýs­ingar Maxwell kunni að búa yfir og hvaða þýð­ingu þær gætu haft:

„Gislaine situr á upp­lys­ingum sem gætu breytt heims­skip­an­inni.“

Í færsl­unni líkir hann stöðu sinni við per­sónu Woody Allen í kvik­mynd­inni Zelig, sem birt­ist sífellt á ólíkum stöðum við sögu­lega atburði:

„Mér líður stundum einsog hálf­gerðum Zelig… ef þið munið eftir mynd­inni.“

Að lokum segir Valdimar að Maxwell hafi boðið honum að ger­ast þegn hafs­ins:

„Hún bauð mér i lok ferðar að ger­ast þegn hafs­ins… sem eg þáði.“

Ghislaine Maxwell var síðar dæmd í 20 ára fang­elsi í Banda­ríkj­unum fyrir man­sal og þátt­töku í kyn­ferð­is­brotum Jeffrey Epstein gegn börnum.