Heilt yfir hefur Sólveig Anna Jónsdóttir, formaður Eflingar, verið jákvætt afl fyrir launafólk í landinu, um það verður varla deilt. Það verður hins vegar ljósara með hverju árinu sem líður að hún færist fjær því að hugsa um hagsmuni félagsmanna og nær því að reyna að gera sig að miðpunkti allrar umræðu.
Sést það greinilega í algjörlega misheppnuðum árásum á Höllu Gunnarsdóttur, formann VR, þar sem hún setti nýlega út á launakjör formannsins og starfsmannamál félagsins. Væri Sólveigu nær að líta í eigin barm í þeim efnum.
Þá má ekki gleyma því þegar hún fagnaði innilega á kvöldstund hlaðvarpsins Komið Gott í desember. Mátti þar finna rjómann af stjórnmálaelítu Íslands og marga helstu auðmenn landsins, sem hafa einmitt barist gegn félagsmönnum Eflingar, en óhætt er að segja að hlaðvarpið tali helst til þeirra sem eru vel yfir meðallaunum. Meðal þess sem boðið var upp á var svokallað auðmannaborð en fáir félagsmannsmenn Eflingar, aðrir en Sólveig auðvitað, gætu leyft sér slíkan munað ...
Athugasemdir