„Ég vaknaði við þá staðreynd að búið var að hrifsa af mér möguleikann á að eignast fleiri börn“

Björg Gunn­ars­dóttir, fata­hönn­uður og fyr­ir­tækja­eig­andi greind­ist með eggja­stokka­krabba­mein og segir sína sögu í for­síðu­við­tali árlegs tíma­rits Krafts sem nú er komið út. Viðtalið og tíma­ritið sjálft verður hægt að nálg­ast á helstu N1 stöðvum um land allt og raf­ræna útgáfan er að finna inni á vef Krafts.

Björg sem er ein­stæði móðir tveggja ára stúlku hélt hún væri að fara í aðgerð þar sem annar eggja­stokk­ur­inn yrði fjar­lægður en vakn­aði við þá erf­iðu stað­reynd að búið var að taka þá báða og þá líka mögu­leik­ann á að eign­ast fleiri börn.

„Sú stað­reynd að ég átti dóttur mína gerði það „létt­ara“ að missa móð­ur­lífið. Ég hefði aldrei fyr­ir­gefið mér það að hafa ekki látið slag standa, ég hefði verið svo sár og reið. Dóttir mín var ljósið í myrkr­inu í gegnum þetta erf­iða tíma­bil í líf­inu mínu.“

Fjar­lægja þurfti báða eggja­stokka og þar sem ekki hafði gef­ist tími fyrir egg­heimtu þurfti Björg að sætta sig við þá stað­reynd að hún myndi ekki eign­ast fleiri börn. Tveimur vikum fyrir tveggja ára afmæli dóttur hennar fær hún þær fréttir að æxlin sem höfðu verið fjar­lægð inni­héldu krabba­meins­vöxt.

Áfallið var mikið og segir Björg að þegar þú gengur í gegnum þær raunir sem krabba­mein felur í sér, þá átt­arðu þig á því að lífið er núna og það er eng­inn tími til að bíða með draumana sína. Dóttir hennar er drif­kraft­ur­inn. „Ég ætla að vera hérna eins lengi og ég get, fyrir hana.“

Viðtalið má lesa í heild sinni hér.