Séra Þórir Stephensen er látinn

Séra Þórir Steph­en­sen, fyrr­ver­andi dóm­kirkju­prestur og stað­ar­hald­ari í Viðey, er lát­inn, 94 ára að aldri.

Morg­un­blaðið greinir frá and­láti hans.

Þórir fædd­ist í Reykja­vík 1. ágúst 1931 og lauk guð­fræði­prófi frá Háskóla Íslands árið 1954. Sama ár var hann vígður til prests, aðeins 22 ára gam­all, og varð yngsti prestur sem vígður hafði verið á Íslandi. Hann hóf prests­þjón­ustu í Stað­ar­hóls­þingum í Dölum, starf­aði síðar sem sókn­ar­prestur á Sauð­ár­króki og var aðstoð­ar­prestur við Dóm­kirkj­una í Reykja­vík áður en hann var kjör­inn dóm­kirkju­prestur árið 1973. Árið 1989 tók hann við emb­ætti stað­ar­hald­ara í Viðey og gegndi því til sjö­tugs.

Þórir var jafn­framt ötull fræði­maður og rit­höf­undur. Hann lauk meist­ara­prófi í kirkju­sögu árið 2002 og rit­aði meðal ann­ars sögu Dóm­kirkj­unnar í Reykja­vík og kirkju­garða Reykja­vík­ur­pró­fasts­dæma. Fyrir fram­lag sitt til kirkju-, sögu- og sam­fé­lags­mála var hann sæmdur ridd­ara­krossi hinnar íslensku fálka­orðu árið 2008.

Hann lætur eftir sig son, barna­börn og langa­fa­barn.