Kardashians systur misstu ömmu sína

Kris Jenner, raun­veru­leika­stjarna, kaup­sýslu­kona, fram­leið­andi og umboðs­maður Kar­dashian- og Jenner-fjöl­skyld­unnar, missti mömmu sína í gær. Mamma Kris Jenner hét Mary Jo „MJ“ Shannon og fædd­ist 26. júlí 1934 og lést 91 árs að aldri þann 16. júlí 2026.

Ekki hefur verið greint frá dán­ar­or­sök­inni.

Hlutverk Mary Jo „MJ“ Shannon í raun­veru­leika­þátt­unum Keeping Up with the Kar­dashi­ans og The Kar­dashi­ans var fyrst og fremst að vera rödd skyn­sem­innar fyrir fjöl­skyld­una og traustur ráð­gjafi. Hún var jafn­framt eft­ir­læt­is­stjarna margra áhorf­enda. Þótt hún hafi ekki verið í aðal­hlut­verki mætti hún reglu­lega sem gestur og átti margar eft­ir­minni­legar stundir.

Mynd: Samsett mynd

Í opin­berri færslu kveður Kris Jennar móður sína:

„Í dag kvöddum við hana elsku mömmu mína, MJ. Það eru engin orð sem geta lýst því hvað hún sýndi mér og mikil sorg að þurfa að kveðja hana. Mamma var hjartað í fjöl­skyld­unni okkar. Hún kenndi mér allt sem skiptir máli… að elska fjöl­skyld­una af öllu hjarta, að vera góð­hjörtuð, að standa með þeim sem maður elskar og að taka aldrei neinni stund saman sem sjálf­sögðum hlut. Hún kenndi okkur að fjöl­skyldan væri allt. Hún sýndi okkur hvernig á að elska skil­yrð­is­laust og hvernig á að finna gleð­ina í litlu augna­blik­unum. Hún sýndi mér hvernig á að mæta áskor­unum lífs­ins af seiglu og trú.

Mamma, takk fyrir alla þá fórn sem þú færðir, öll þau visku­orð sem þú miðl­aðir og hverja stund sem þú elskaðir okkur svo skil­yrð­is­laust. Ég mun sakna dag­legu sam­tal­anna okkar, bross­ins þíns, hlát­urs­ins þíns… Hjörtu okkar eru brotin, en við finnum huggun í því að vita að ást eins og þín yfir­gefur okkur aldrei í raun. Ást þín mun lifa áfram í fjöl­skyld­unni okkar, í hefð­unum okkar, á hverri stundu sem við erum saman og í hverju lífi sem þú snertir.

Þegar ég horfi á börnin mín og barna­börnin mun ég að eilífu sjá brot af þér í okkur öllum. Það er eng­inn hluti af mér sem er ekki mót­aður af þér. Og ef ég hef gert eitt­hvað rétt í þessum heimi þá er það vegna þess að ég eyddi lífi mínu í að reyna að lifa þannig að þú yrðir stolt af mér. Hver minn­ing, hvert augna­blik, hver blessun, það var allt þér að þakka, og ég mun að eilífu þakka Guði á hverjum ein­asta degi fyrir að gefa mér þig sem mömmu. Hjarta mitt er brotið í milljón mola… takk fyrir að gefa mér dásam­leg­ustu æsku og dásam­legt, blessað líf… Ég elska þig að eilífu, mamma. Takk fyrir að gefa okkur allt.“