RJ Mitte stóð frammi fyrir ómögulegu vali dagana fyrir andlát sitt, að sögn heimildarmanna sem eru nánir fjölskyldu hans. Þeir segja að unnusta hans, sem var orðin þreytt á aðstæðunum, hafi sett honum afarkosti: annaðhvort hún eða móðir hans.
Samkvæmt heimildarmönnum TMZ hafði spennan farið vaxandi í sambandi Breaking Bad leikarans RJ og unnustu hans, Kennedy Suarez, sem taldi móður hans hafa of mikil afskipti af sambandi þeirra.
Heimildarmenn segja að Kennedy og móðir RJ, Dyna, hafi ekki átt skap saman. Kennedy hafi viljað að RJ tæki hennar málstað og setti hana í fyrsta sæti, ella myndi hann þurfa að horfast í augu við afleiðingarnar.
RJ var mjög náinn móður sinni og systur sinni, Lacianne, og var ekki tilbúinn að slíta sambandinu við móður sína. Það olli verulegri spennu í sambandi hans og Kennedy.
RJ og Kennedy höfðu verið vinir í tíu ár áður en þau hófu ástarsamband árið 2020. Þau trúlofuðu sig 10. október 2025, tæpu ári fyrir andlát hans.
Samkvæmt heimildarmönnum voru RJ og Kennedy enn saman viku áður en hann lést. Ekki liggur fyrir hvort þau hafi slitið sambandinu dagana fyrir andlát hans.
Heimildarmenn segja að sambandserfiðleikarnir hafi legið þungt á RJ vikurnar fyrir andlátið og að hann hafi sýnt greinileg merki um vanlíðan.
TMZ greindi fyrst frá því að RJ hefði fundist látinn í Texas á mánudag. Embættismaður í sýslunni staðfesti við miðilinn að hann hefði látist af völdum sjálfsvígs.
Minningarathöfn um RJ verður haldin á föstudag í The Mitte: Arts and Cultural Center í Brownsville í Texas.
RJ var aðeins 34 ára gamall.
Athugasemdir