Arnar Þór Jónsson, fyrrverandi héraðsdómari og stofnandi Lýðræðisflokksins, hefur sett fram samsæriskenningu um stöðu heimsmála og það sem hann telur vera vaxandi ósamræmi í opinberri umræðu.

Í skrifum sínum veltir hann því upp hvort samfélagið sé að þróast í átt að því sem hann lýsir sem mögulega klikkuðum heimi, þar sem atburðir og viðbrögð stjórnvalda og fjölmiðla virðast, að hans mati, bera merki samræmdrar framsetningar fremur en tilviljana. Hann hvetur lesendur til að hugsa hvort þeir telji þróunina eðlilega eða hvort tilefni sé til gagnrýninnar hugsunar.

Þá bendir hann á það sem hann kallar „undarlega samhljóma orðalag“ leiðtoga heimsins og fréttaflutningi fjölmiðla í kjölfar atburða á borð við skotárás við Hvíta húsið. Slík samhljómur veki spurningar um hvort um sé að ræða sjálfstæð viðbrögð eða samræmda miðlun.

Einnig nefnir hann fund sem, að hans sögn, var haldinn var í New York árið 2019, nokkrum mánuðum áður en COVID-19 faraldurinn hófst, og telur tímasetninguna vekja athygli. Hann bendir jafnframt á nýlegar hertar sóttvarnaraðgerðir víða um heim, þar á meðal á Íslandi, og varar við mögulegum áhrifum þeirra á stjórnarskrárvarin réttindi í framtíðinni.

Að lokum hvetur hann fólk til að fylgjast vel með þróun mála og mynda sér sjálfstæða skoðun á því sem hann telur sífellt fleiri óvenjulegar tilviljanir í alþjóðlegum atburðum.