Læknirinn Árni Tómas Ragnarsson er látinn, 76 ára að aldri. Hann lést 27. apríl síðastliðinn en Morgunblaðið greindi frá andláti hans.
Árni fæddist í Reykjavík 19. janúar 1950 og var mikill Vesturbæingur og KR-ingur alla tíð. Hann ólst upp í nánum tengslum við stórfjölskyldu sína á Vesturgötunni þar sem hann bjó síðar aftur til dauðadags.
Árni lauk stúdentsprófi frá Menntaskólanum í Reykjavík árið 1969 og kandídatsprófi í læknisfræði frá Háskóla Íslands árið 1976. Hann stundaði sérnám í Svíþjóð og hlaut sérfræðileyfi í gigtlækningum árið 1982.
Á starfsferli sínum gegndi Árni fjölbreyttum störfum innan heilbrigðiskerfisins. Hann starfaði meðal annars á sjúkrahúsum í Reykjavík, sem héraðslæknir á Siglufirði og í Stykkishólmi og síðar sem yfirlæknir Elli- og hjúkrunarheimilisins Grundar í nær þrjá áratugi. Samhliða rak hann eigin sérfræðistofu í Reykjavík.
Árni lætur eftir sig eiginkonu og fjögur börn.
