Leikarinn ástsæli, Björgvin Franz Gíslason hefur fundið ástina á ný í örmum Bryndísar Guðjónsdóttur, sópransöngkonu. Þetta staðfesti Björgvin í samtali við Mannlíf.
Björgvin Franz, sem skildi við eiginkonu sína til 16 ára, Berglindi Ólafsdóttur, í fyrra, birti myndir í story á samfélagsmiðlunum í dag, þar sem sjá má þau Bryndísi á Ítalíu með bros á vör. Við fyrstu myndina skrifar Björgvin „Gleðilega sól“ og bætir við myllumerkinu #allirogammaþeirraáítalíu og á seinni myndina skrifar Björgvin „Engar áhyggjur af okkur.“
Í samtali við Mannlíf sagði Björgvin að þau Bryndís hefðu hafið samband fyrir nokkru síðan, án þess að vilja fara nánar út í það.
Bryndís er sópransöngkona sem hefur vakið alþjóðlega athygli fyrir framúrskarandi söngferil sinn. Hún hefur komið fram í virtum óperuhúsum víða um Evrópu, hlotið fjölda alþjóðlegra verðlauna og hlaut Grímuverðlaunin árið 2025 fyrir hlutverk sitt sem greifynjan í Brúðkaupi Fígarós.
