Brúða af Donald Trump var brennd á spænskri hátíð eftir að hafa verið hengd upp sem hluti af aldargamalli Júdasarhefð.

Donald Trump brúðan var borin um götur bæjarins í Quema de Judas-hátíðinni í Coripe, Spáni, á páskadag. Samkvæmt hefðinni var brúðan hengd upp í tré, kveikt í henni og síðan skotin í návígi af hópi byssuvopnaðra bæjarbúa.

Brennsla Júdasarbrúða er gömul páskahefð í mörgum kristnum samfélögum og á hverju ári velur þessi hátíð þá manneskju sem þykir vera sú verst þokkaða af bæjarbúum. Svo virðist sem bandaríski forsetinn hafi virkilega farið í taugarnar á heimamönnum með umdeildum ákvörðunum sínum og hafi því verið augljós kostur fyrir Júdasarmeðferðina í ár.

Í fyrra var það Koldo García, fyrrverandi ráðgjafi fyrrum samgönguráðherra José Luis Ábalos, sem varð fyrir valinu eftir að hann var sakaður um spillingu tengda kaupunum á andlitsgrímum á tímum Covid.

Trump hefur sennilega ekki verið meðvitaður um meðferðina á brúðunni en á páskadag slakaði forsetinn á með páskahéranum í Hvíta húsinu.