Grínistinn og leikkonan Bylgja Babýlons er mjög ósátt við vinnubrögð heilbrigðiskerfisins eftir að hún greindist með leghálskrabbamein árið 2021. Sýnið hafði verið tekið úr Bylgju árið 2018 og var niðurstaðan sú að hún væri ekki með krabbamein. Hún telur mögulegt að hún hafi fengið ranga greiningu.

Bylgja opnaði sig um baráttu sína í ítarlegu viðtali við Heimildina.

Kristján Oddsson kvensjúkdómalæknir segir í samtali við Heimildina að mál Bylgju hefði átt að kveikja í viðvörununarbjöllum á sínum tíma miðað við þau gögn sem hann hefur séð. „Öll rauð flögg hefðu átt að fara upp þegar slík fyrirferð sést í leghálsi. Það lítur út fyrir að Bylgja hafi verið komin með krabbamein þarna.“

Bylgja segir við Heimildina að hún muni leita réttar síns og sé að undirbúa kvörtun til Landlæknisembættisins vegna gruns vanrækslu eða mistök í heilbrigðisþjónustu.