Glæsileg Dressmann-verslun er á Glerártorgi á Akureyri þar sem er úrval af gæðafatnaði á góðu verði. Þar fæst fatnaður allt frá „extra small“ og upp í „3XL“. Í sumar er þar mjög gott úrval af léttari fatnaði – bjartari litir og fatnaður meðal annars úr bómull og hör. Svo hefst sumarútsalan í júlí.

Dressman um allan heim

Fyrsta Dressmann-verslunin á Íslandi var opnuð árið 1996 í Reykavík en verslanir norsku verslunarkeðjunnar, sem var stofnuð árið 1967, er að finna víða um heim. Dressmann-verslun var síðan opnuð á Glerártorgi á Akureyri þegar verslunarmiðstöðin var opnuð árið 2000. Reksturinn gekk svo vel að eftir það var verslunin á Glerártorgi stækkuð til muna. 

„Það hefur verið mikið að gera frá upphafi,“ segir Hákon Arnar Sigurðsson verslunarstjóri. „Það eru ekki svo margar herrafataverslanir fyrir norðan og þess vegna ekki úr miklu að velja þannig að fyrir utan Akureyringa er mikið um að fólk úr nærliggjandi sveitarfélögum komi til að versla.“

Þjónusta fyrir flesta herra

Í Dressmann er lögð áhersla á gæðafatnað á góðu verði.

„Við erum með mikið af sígildum fatnaði þannig að þetta er kannski ekki mikið þessi tíska sem kemur og fer en þetta breytist samt svolítið eftir árstíðum. Það er boðið upp á fatnað sem hentar flestum herrum.“

Flestir herrar ættu að geta fundið eitthvað við sitt hæfi hvað varðar stærðir en í versluninni fæst fatnaður í stærðinni „small“, auk þess sem þar fást einstaka spariskyrtur í „extra small“, og svo fást þar flíkur allt upp í „3XL“. „Það er mikið spurt um stærri stærðir og við erum með eina Dressmann-verslun í Kópavogi sem er með stærri stærðir og við reynum eins og við getum að panta að sunnan og bendum líka fólki á hvernig það geti pantað sjálft.“

Léttari flíkur yfir sumarið

Gott úrval af léttari fatnaði fæst nú yfir sumarið. „Það eru bjartari litir, meira út í blómamynstur og hvað varðar efni þá fáum við mikið af léttari bómullarflíkum og flíkum úr hör hvort sem það eru buxur, stuttbuxur eða skyrtur. Hör er léttara efni en bómullin og er því mjög hentugt fyrir sumarið.“

Hvað með sumarskyrtur í björtum litum? „Íslenskir karlar vilja blátt og grátt og svo hvítt og svart en sérstaklega yfir sumartímann þá versla þeir bjartari og skemmtilega liti, jafnvel bleikan eða appelsínugulan.“

Gott úrval fylgihluta fæst í Dressmann og má þar nefna belti, klúta, bindi, sokka og nærbuxur.

Áhersla á vinalegt andrúmsloft

Hvað er fram undan? „Sumarútsalan byrjar í byrjun júlí. Svo förum við að fá haustvörur í ágúst. Og svo auðvitað höldum við áfram að bjóða upp á góða þjónustu og gott verð.“

Burtséð frá góðri vöru á viðráðanlegu veðri segir Hákon Arnar einmitt að í versluninni sé lögð áhersla á vinalegt andrúmsloft. „Við reynum að taka okkur hæfilega alvarlega. Viðskiptavinirnir eru númer eitt, tvö og þrjú þannig að við reynum að mæta þörfum allra, leysa það sem þarf að leysa og vinna með það sem viðskiptavinurinn vill.“