Eðvarð Þór Gíslason hefur verið dæmdur í sex mánaða skilorðsbundið fangelsi fyrir líkamsárás og brot í nánu sambandi. Dómur féll í Héraðsdómi Norðurlands vestra í júlí
Málið varðaði atvik að kvöldi 25. október 2025. Samkvæmt ákæru sló Eðvarð mann hnefahöggi í andlitið með þeim afleiðingum að efri vör hans sprakk og bólgnaði. Maðurinn hlaut einnig sár á neðri vör og eymsli fyrir ofan vörina.
Eðvarði var jafnframt gefið að sök brot í nánu sambandi vegna framkomu sinnar gagnvart börnum og syni barnsmóður sinnar sama kvöld. Sá síðarnefndi var þá 17 ára gamall. Eðvarð hótaði honum ítrekað líkamsmeiðingum í viðurvist tveggja barna sinna, sem voru fimm og sjö ára.
Þá kom fram í ákæru að hann hefði í návist barnanna haft uppi niðrandi ummæli um barnsmóður sína, rætt um kynlíf, kallaði hana hóru og verið með hávaða og háreysti. Dómurinn taldi háttsemina hafa ógnað velferð brotaþola á alvarlegan hátt og féllst á að hún varðaði við ákvæði almennra hegningarlaga um brot í nánu sambandi.
Eðvarð mætti ekki við þingfestingu málsins og boðaði ekki forföll.
Samkvæmt sakavottorði hafði hann ekki áður verið fundinn sekur um refsivert brot. Refsing hans var ákveðin sex mánaða fangelsi, en fullnustu hennar frestað skilorðsbundið í tvö ár.
