Ævisagnarhöfundur konungsfólks heldur því fram að barnaníðingurinn og fjármálamaðurinn Jeffrey Epstein hafi íhugað að ráða fyrrverandi sérsveitarmann til að myrða Andrew Mountbatten-Windsor og Söruh Ferguson, í örvæntingafullri tilraun til að þagga niður í þeim. Aðeins dauði hans í fangelsi hafi komið í veg fyrir þetta, að sögn höfundarins.
Andrew Lownie, ævisagnaritari konungsfólksins og sagnfræðingur, segir að Epstein hafi orðið sífellt tortryggnari á meðan hann beið réttarhalda í Bandaríkjunum árið 2019 vegna ákæru um mansal og kynferðisbrot. Lownie heldur því fram að áður en Epstein framdi sjálfsvíg í fangaklefa sínum hafi hann rætt við morðingja, fyrrverandi leyniskyttu úr bresku sérsveitinni SAS, og tjáð að hann vildi láta drepa þau Andrew og Söruh Ferguson, af ótta við að þau gætu opinberað leyndarmál hans.
Lownie, sem skrifaði bókina Entitled um þau Andrew og Ferguson, segir að „áreiðanlegar heimildir“ hafi upplýst hann um að Epstein hafi orðið „mjög stressaður og hræddur“ síðustu dagana fyrir dauða sinn.
Í viðtali við hlaðvarp Daily Beast sagði Lownie að Epstein hefði „viljað láta fjarlægja þau,“ sem hann hafði átt náin samskipti við. Hann segir:
„Hann ræddi við morðingja sem var fyrrverandi SAS sérsveitarmaður og sagðist vilja láta drepa þau. Hann vildi fjarlægja þau. Mér var sagt þetta af tveimur áreiðanlegum heimildum, öðrum í París og fyrrverandi FBI-fulltrúa í Flórída, og ég tel þetta vel mögulegt.“
„Epstein sagði ýmislegt, og maður getur ekki alltaf trúað því, en ég held að hann hafi verið mjög hræddur fyrir dauða sinn. Þetta er stórmerkilegt, eins og atriði úr bíómynd, en ekkert í þessari sögu er venjulegt.“
Samkvæmt opinberri útskýringu framdi Epstein sjálfsvíg í fangaklefa Metropolitan Correctional Center í New York 10. ágúst 2019, áður en fórnarlömb hans fengu réttlæti.
Lownie fullyrðir einnig að Epstein hafi verið hræddur við að konungsfjölskyldan myndi láta myrða hann. Hann segir að dauði Epstein hafi í raun bjargað Andrew og Söruh:
„Ef Jeffrey hefði ekki dáið, hefðu Andrew og Fergie verið myrt. Þau vissu of mikið.“
Andrew Mountbatten-Windsor og Sarah Ferguson hafa orðið fyrir miklu mannorðstjóni vegna tengsla sinna við Epstein. Andrew missti konunglegar titla sína eftir að ásakanir um kynferðisbrot komu fram. Honum var gefið að sök að hafa haft nauðgað Virginia Giuffre, fórnarlamb mansals Epstein, þegar hún var 17 ára. Andrew hefur neitað öllum ásökunum en samdi um málið utan réttar árið 2022, án þess að viðurkenna sekt.
Leki á tölvupóstum sýnir að Sarah Ferguson hafði einu sinni kallað Epstein sinn „æðsta vin“, þrátt fyrir að hafa fordæmt hann árið 2011. Fulltrúar hennar segja þó að það hafi verið til þess að komast hjá mögulegum málsóknum. Nú er talið að hún íhugi að skrifa bók eða gefa ítarlegt viðtal um reynslu sína, þar sem hún og Andrew eru að missa búseturétt í Royal Lodge.
