Marko Horvat hefur verið dæmdur í fangelsi af Héraðsdómi Reykjaness.

Hann var ákærður fyrir stórfellt fíkniefnalagabrot, með því að hafa, föstudaginn 30. janúar 2026, staðið að innflutningi á samtals 1.870 grömmum af kókaíni, með styrkleika 32-42%, ætluðu til söludreifingar hér á landi í ágóðaskyni en fíkniefnin flutti ákærði til Íslands sem farþegi með flugi frá Amsterdam, Hollandi, til Keflavíkurflugvallar, falin í farangri sínum.

Horvat játaði brot sitt en hann hefur ekki áður gerst sekur um refsivert athæfi á Íslandi.

Hann var dæmdur í þrettán mánaða fangelsi og er sá dómur óskilorðsbundinn. Þá þarf hann að greiða 1.645.628 krónur í sakarkostnað.