Jóhannes Þór Skúlason, framkvæmdastjóri Samtaka ferðaþjónustunnar, hefur verið duglegur við að vekja athygli á þeim háska sem umbjóðendur hans standa frammi fyrir vegna gjalda sem ferðamönnum er gert að greiða. Jóhannes er fyrrverandi aðstoðarmaður Sigmundar Davíðs Gunnlaugssonar, formanns Miðflokksins, og hafði þá oft í nógu að snúast við að skerpa á málflutningi formanns síns. Þetta var svo stór hluti af starfi Jóhannesar að hann fékk viðurnefnið útskýrari.
Þessa daga streyma frá honum grátbólgnar heimsendaspár fyrir hönd ferðaþjónustunnar sem hann telur vera skotspón ríkisstjórnarinnar. Hann þreytist ekki á að hampa öllum fjárfestingum vegna hótela og baðlóna víðs vegar um landið. Telur hann þær milljarða fjárfestingar vera fullkomlega réttlætanlegar og þjóðinni til hagsbóta. Einhverjir telja þó að hér sé á ferðinni enn eitt fjárfestingaæði Íslendinga í anda loðdýra- og fiskeldis sem endaði skelfilega ...
