Félag í eigu Guðmundar Kristjánssonar, framkvæmdastjóra Brim, hefur fest kaup á öllu hlutafé útgerðarfélagsins Þórsness í Stykkishólmi. Kaupin voru kynnt starfsfólki fyrirtækisins á föstudag, að sögn Eggerts Halldórssonar framkvæmdastjóra Þórsness í samtali við Morgunblaðið.

Með kaupunum eignast nýr eigandi bæði útgerð og fiskvinnslu félagsins, auk skipa, búnaðar og veiðiheimilda. Stærsti eigandi Þórsness hafði verið Gunnlaugur Karl Hreinsson hjá GPG fiskverkun, sem keypti fyrirtækið árið 2004.

Eggert segir að engar breytingar séu fyrirhugaðar á rekstrinum. Á bilinu 50 til 60 manns starfa hjá fyrirtækinu yfir árið og mun hann áfram gegna starfi framkvæmdastjóra.