Hafdís Renötudóttir, handknattleikslandsliðsmarkvörðurinn hjá Val, hefur loks opnað sig um fordómafulla hegðun stuðningsmanna ÍBV á dögunum. Segir hún úrslitaeinvígið hafa brotið hana.

Hafdís, sem er samkynhneigð, varð fyrir því í undanúrslitum Íslandsmóts kvenna í handbolta, er ÍBV mætti Val, að stuðningsmenn Vestmannaeyjaliðsins hófu að syngja söngva um Hafdísi á niðrandi hátt. Handknattleikssamband Íslands er komið með málið á sitt borð en sambandið lítur málið mjög alvarlegum augum.

Valur endaði á því að sigra deildina og urðu íslandsmeistarar fjórða árið í röð.

Hafdís birti ljósmynd af sér á Instagram í dag þar sem sjá má hana halda á gullmedalíu. Við færsluna skrifar hún:

„Hinsegin fólk verður fyrir aðkasti á hverjum degi og ég er hvorki sú fyrsta né síðasta sem upplifir það.
Þetta úrslitaeinvígi braut mig. Ég mætti samt.“