Helstu verkefni lögreglu á höfuðborgarsvæðinu sí dag vörðuðu meðal annars innbrot, þjófnaði og akstur undir áhrifum fíkniefna. Þegar þetta er ritað gistir einn einstaklingur í fangageymslum lögreglu. Þetta kemur fram í dagbók lögreglu fyrir tímabilið 05-17.

Tilkynnt var um aðila sem reyndi að komast inn í opnar bifreiðar í Laugardalnum. Lögregla handtók manninn skömmu síðar og var hann með ætlað þýfi og ætluð fíkniefni í fórum sínum. Málið er til rannsóknar.

Þá var brotist inn í fyrirtæki í Reykjavík og þaðan stolið munum. Einnig var tilkynnt um innbrot og þjófnað á vinnusvæði í Árbænum þar sem verkfærum var stolið. Málið er í rannsókn lögreglu.

Í Reykjavík var ekið á hjólreiðamann. Samkvæmt dagbók lögreglu brást hjólreiðamaðurinn illa við og barði í bifreiðina með þeim afleiðingum að dæld kom á hana. Hjólreiðamaðurinn sakaði ekki.

Lögregla hafði einnig afskipti af ökumanni í Kópavogi sem grunaður var um akstur undir áhrifum fíkniefna.