Sextíu mál voru bókuð hjá lögreglunni á höfuðborgarsvæðinu frá klukkan 05:00 í morgun til 17:00 í dag og gista tveir aðilar í fangaklefa.

Hér má sjá nokkur dæmi um þau verkefni.

Lögreglan sem annast Austurbæ, Miðbæ, Vesturbæ og Seltjarnarnes fékk tilkynningu um þjófnað úr fataverslun en lögreglan hafði hendur í hári þjófsins og tók af honum skýrslu. Var hann frjáls ferða sinna að henni lokinni.

Einnig barst þeirri lögreglu tilkynning um aðila sem fór inn í heimahús í leyfisleysi og sótti þar bíllykla og reyndi að stela bifreið húsráðanda en eigandi bílsins rétt náði að stöðva bílþjófinn, sem hafði þegar startað bílnum. Lögreglan fann kauða stuttu síðar og kom þá í ljós að hann hafði brotist inn á nokkrum stöðum yfir daginn og stela munum. Var hann handtekinn og vistaður í fangaklefa í þágu rannsóknar málsins.

Lögreglan sem fer í útköll í Hafnarfirði, Garðabæ og á Álftanesi handtók tvö ökumenn vegna gruns um akstur undir áhrifum áfengis. Voru þeir látnir laus að lokinni blóðsýnatöku.

Lögreglan sem starfar í Kópavogi og í Breiðholti barst tilkynning um vinnuslys en þar hafði grafa oltið á hliðina á vinnusvæði. Var ökumaður gröfunnar fluttur með sjúkrabifreið á bráðamóttökuna til frekari aðhlynningar en hann reyndist ekki alvarlega slasaður.