Eins og flestir landsmenn vitað hefur Alþingi ákveðið að þjóðaratkvæðagreiðsla um framhald aðildarviðræðna Íslands við Evrópusambandið fari fram laugardaginn 29. ágúst.

Í kosningunni verður leitað eftir afstöðu þjóðarinnar til þess hvort Ísland eigi að hefja að nýju aðildarviðræður við ESB. Atkvæðagreiðslan snýst því ekki um beina aðild Íslands að sambandinu.

Verði niðurstaðan „já“ verða aðildarviðræður hafnar á ný. Þær gætu síðar leitt til þess að Ísland gengi í Evrópusambandið, en áður þyrfti að stíga fleiri skref.

Meðal annars þyrfti að gera breytingar á stjórnarskrá og ríkisstjórnin hefur boðað að önnur þjóðaratkvæðagreiðsla yrði haldin um endanlega aðild Íslands að ESB.

Verði niðurstaðan hins vegar „nei“ verða aðildarviðræður ekki hafnar að nýju og Ísland mun því ekki ganga í Evrópusambandið á grundvelli þess ferlis.