Margir sárvorkenna Ingu Sæland vegna þeirrar krísu sem ríkir í Flokki fólksins eftir að Guðmundur Ingi Kristinsson, fyrrverandi varaformaður, fletti hulunni af fláræði aðstoðarmanns síns sem boðaði honum stríð ef hann segði ekki af sér.

Aðstoðarmaðurinn, Guðbjörg Ingunn Gunnarsdóttir, fullyrti í skeyti til yfirmanns síns að Valkyrjurnar hefðu ákveðið að láta hann fjúka. Ávinningur hennar var síðan sá að eiginmaðurinn, Ragnar Þór Ingólfsson, fékk ráðherraembætti og stórfellda launahækkun. Inga hefur engu svarað um baktjaldamakkið og var á harðahlaupum undan fréttamanni Vísis í gær fremur en að svara einföldum spurningum ...