Ráðherra baðst afsökunar á ummælum sínum eftir að þingflokksformaður Framsóknarflokksins óskaði eftir því í ræðustól Alþingis í dag, en til nokkuð harðra orðaskipta kom á milli þeirra fyrir helgi.

Viðreisnarkonan Þorbjörg Sigríður Gunnlaugsdóttir, dómsmálaráðherra, bað Ingibjörgu Isaksen, þingflokksformann Framsóknarflokksins, afsökunar á orðum er beint var til Ingibjargar í óundirbúnum fyrirspurnum.

Ingibjörg var fyrst í ræðustól þingsins og óskaði hún eftir afsökunarbeiðni frá Þorbjörgu; sagði að nú væri helgin liðin og vonandi væru allir búnir að róa sig niður.

Ingibjörg taldi að dómsmálaráðherra ætti að biðjast afsökunar á því sem hún taldi óviðeigandi ummæli í hennar garð og varð Þorbjörg við þeirri beiðni Ingibjargar.

Þorbjörg sagði hugmyndir Ingibjargar um ætluð stjórnarskrárbrot í frumvarpi fjármálaráðherra hafi hitt hana illa fyrir, en frumvarpið snýr að örorkugreiðslum, er talið leiða til skerðingar á lífeyrisréttindum.

Ingibjörg þakkaði síðan ráðherra fyrir afsökunarbeiðnina og sagði hana mann að meiri.