Írafár er á Alþingi vegna áforma Þorgerðar Katrínar Gunnlaugsdóttur, formanns Viðreisnar, og Kristrúnar Frostadóttur, formanns Samfylkingar, um að leyfa þjóðinni að ákveða í þjóðaratkvæðagreiðslu hvort viðræður fari fram um aðild Íslands að Evrópusambandinu.

Guðlaugur Þór Þórðarson leiðir andstöðu Sjálfstæðisflokksins við tillöguna ásamt Sigmundi Davíð Gunnlaugssyni, formanni Miðflokksins. Báðir virðast vera búnir að gleyma því kosningaloforði Sjálfstæðisflokksins á sínum tíma að einmitt þetta mál færi í þjóðaratkvæði.

Bjarni Benediktsson, þáverandi formaður Sjálfstæðisflokksins, sveik loforðið um leið og hann komst í ríkisstjórn og fann upp hugtakið „pólitískur ómöguleiki“. Áður hafði hann reyndar lagt til í blaðagrein að tekin yrði upp evra á Íslandi og turnaðist líka í því máli ...