Fjórir karlar eru í haldi lögreglunnar á höfuðborgarsvæðinu í þágu rannsóknar hennar á alvarlegri líkamsárás í íbúð á miðborgarsvæðinu, en tilkynning um málið barst um miðnætti.

Sá sem fyrir árásinni varð, karlmaður á fertugsaldri, var með talsverða áverka og var hann fluttur á slysadeild og er líðan hans eftir atvikum. Mennirnir sem eru í haldi voru handteknir annars staðar í borginni í nótt.

Rannsókn málsins er á frumstigi að sögn lögreglu og ekki er hægt að veita frekari upplýsingar að svo stöddu.