Karlmaður sem sakaður er um aðild að meintu umsáturseinelti gegn Íris Helga Jónatansdóttir hefur neitað sök í málinu. Þetta kemur fram í frétt Vísis.

Afstaða hans kom fram við fyrirtöku málsins í gær. Þegar málið var þingfest í síðustu viku mætti maðurinn ekki vegna veikinda, en þá neitaði Íris Helga einnig öllum sakargiftum.

Í ákæru málsins er Íris Helga sökuð um umfangsmikið umsáturseinelti sem hafi beinst að þremur körlum, börnum tveggja þeirra, sambýliskonu eins mannanna og fjölskyldu hennar.

Karlmaðurinn sem einnig er ákærður er sagður hafa tekið þátt í eineltinu gagnvart sambýlisfólkinu. Meðal annars er hann sakaður um að hafa borið saur á hurðarhúna við heimili fólksins og á bifreið þess.

Hann hafnar ekki aðeins sakargiftunum heldur einnig skaðabótakröfu sem sambýlisfólkið hefur sett fram.

Við fyrirtöku málsins í gær var jafnframt tekist á um kröfu Írisar Helgu um að þinghöld verði lokuð almenningi. Réttargæslumenn brotaþola mótmæltu þeirri beiðni og bentu á að samkvæmt lögum fari sakamál almennt fram fyrir opnum dyrum.

Gert er ráð fyrir að dómari skeri úr um kröfuna á morgun.