Hannes Hólmsteinn Gissurarson, prófessor á eftirlaunum, fékk heldur betur á baukinn þegar sex háskólarektorar fordæmdu einum rómi aðför Hannesar að prófessorunum Baldri Þórhallssyni og Magnúsi Skjöld Magnússyni.

Hannes dylgjaði um að staða þeirra sem Jean Monnet-prófessorar á vegum ESB væri með þeim hætti að þeir væru hallir undir Evrópusambandið og hefði þá væntanlega haft þau áhrif að þeir studdu það að viðræðum við sambandið um aðild Íslands yrði haldið áfram. Flestum hugsandi mönnum er ljóst að þarna var um að ræða klámhögg. Hann svaraði rektorunum í Mogganum og segir þar: En rektorarnir sex hafa ekki hrakið hina upphaflegu skoðun mína að þeir Baldur og Magnús hefðu átt að láta þess getið þar sem þeir börðust sem harðast fyrir ESB-aðild að þeir væru Jean Monnet-prófessorar.

Íslenskufræðingurinn Eiríkur Rögnvaldsson hendir þessi ummæli Hannesar á lofti og bendir vinsamlega á að ekki er hægt að hrekja skoðanir manna. Þetta þýðir að Hannes þekkir ekki mun á skoðunum og staðreyndum, sem undirstrikar fávisku hans. Sjálfur hefur Hannes ekki komið til greina sem Jean Monnet-prófessor ...