Alls fengu 25 verkefni úthlutaða styrki úr Styrkjum til atvinnumála kvenna að þessu sinni, samtals að fjárhæð 38 milljónir króna en greint er frá þessu í tilkynningu frá stjórnvöldum.

Sérstök áhersla var lögð á að hvetja konur af erlendum uppruna til þátttöku og voru 11 styrkhafa ársins af erlendum uppruna.

Styrkjum til atvinnumála kvenna hefur verið úthlutað árlega frá árinu 1991. Þeir eru ætlaðir frumkvöðlakonum og fyrirtækjum í eigu kvenna, þar sem verkefnin eru í meirihlutaeigu kvenna og undir þeirra stjórn. Þá er jafnframt gerð krafa um að verkefnin feli í sér nýnæmi eða nýsköpun af einhverju tagi.

Úthlutunin fór fram í húsnæði Vinnumálastofnun og hlaut Guðrún Sigríður Ágústsdóttir hæsta styrkinn að þessu sinni, fjórar milljónir króna. Styrkurinn er veittur til vöruþróunar, launakostnaðar og markaðssetningar verkefnisins Dýpi – hafkalkmálning.

Markmið styrkjanna er að efla nýsköpun og atvinnusköpun meðal kvenna og styðja við framgang fjölbreyttra verkefna á íslenskum atvinnumarkaði.

Hægt er að sjá lista yfir alla þá sem fengu styrk hér.