Golfsaga ehf., sem sérhæfir sig í golfkennslu og sölu golfferða til Spánar, hagnaðist um 81 milljón króna í fyrra en félagið er í eigu Harðar Arnarsonar, Magnúsar Birgissonar og Ragnhildar Sigurðardóttur.

Viðskiptablaðið greindi fyrst frá þessu.

Ragnhildur er einn besti kylfingur í sögu Íslands og varð meðal annars fjórum sinnum Íslandsmeistari í höggleik og sjö sinnum í holuleik. Þá var hún hluti af íslenska landsliðinu frá 1985 til 2002 og lenti tvívegis í topp 10 í kjöri um Íþróttamann ársins.

Félagið hefur skilað hagnaði samfleytt frá árinu 2014 ef COVID árið 2020 er tekið út fyrir sviga. Eigið fé félagsins nam 172 milljónum króna og eignirnar 226 milljónir.