Í dagbók lögreglu frá því í dag er greint frá því að ökumaður hafi verið stöðvaður vegna þess að bíll sem hann ók var á fjórum nagladekkjum. Viðkomandi var sektaður um 80 þúsund krónur. Annar var svo tekinn fyrir að vera á tveimur nagladekkjum.

Ökumaður ók í veg fyrir reiðhjólamann og flúði. Lögreglan og sjúkralið var sent á staðinn en ekki reyndist þörf að flytja hjólreiðamanninn á sjúkrahús.

Lögreglan handtók mann vegna rannsóknar á umferðaróhappi og akstri sviptur ökuréttindum. Þá hafði lögreglan afskipti af tveimur ölvuðum ökumönnum.

Lögreglan fékk tilkynningu um manni sem slasaðist á fæti við vinnu en ekki eru meiri upplýsingar gefnar upp um slysið.