Baráttan um það hvort þjóðin megi skoða aðild að Evrópusambandinu nálgast nú hámark. Sá skemmtilegi viðsnúningur hefur orðið að Ólafur Ragnar Grímsson, fyrrverandi forseti Íslands, er orðinn sem talsmaður Sjálfstæðisflokksins í því að halda þjóðinni frá stórhættulegri þjóðaratkvæðagreiðslu um Evrópusambandið. Ólafur Ragnar hefur skyggt á sjálfa Guðrúnu Hafsteinsdóttur, formann Sjálfstæðisflokksins, og er í einlægu bandalagi við Hannes Hólmstein Gissurarson um málið. 

Baráttan fer ekki síst fram á landsbyggðinni þar sem heyrúllur merktar andstæðingum Evrópusambandsins prýða aðra hverja jörð og undirstrika þá visku sem bændasamtökin hafa búið yfir allt frá því þau mótmæltu símanum forðum. 

Það er til dæmis til marks um taugaveiklun Ólafs Ragnars og Sjálfstæðisflokksins að gamli forsetinn hjólaði í Pálma Gestsson leikara fyrir að hafa leikið í auglýsingum fyrir þá sem vilja segja já í lok mánaðarins. Ólafur mun reyndar hafa lengi haft horn í síðu Pálma sem sérhæfði sig í að leika forsetann á meðan hann var og hét ...