Auður og völd ekkjunnar, Guðbjargar Matthíasdóttur, hafa smám saman verið að færast yfir á börn hennar. Elsti sonurinn og erfðaprinsinn, Einar Sigurðsson, er stjórnarformaður Ísfélagsins og unir sér vel í Fossvogi í Reykjavík þar sem hann nýtur auðlegðarinnar við leik og jafnvel störf. Ísfélaginu hefur vaxið mjög fiskur um hrygg eftir að félagið náði undir sig kvóta og skipum Siglfirðinga og Ólafsfirðinga sem auðar bryggjur blasa við. 

Annar sonur Guðbjargar, Magnús Sigurðsson, heldur tryggð við Vestmannaeyjar og er að byggja sér veglegt einbýlishús sem hermt er að klætt sé með kopar. 

Kynslóðaskipti eru nú í óðaönn að eiga sér stað þar sem fyrstu kvótagreifarnir eru að stíga niður af stalli sínum og afhenda börnum sínum auðinn. Samherji reið á vaðið og Grindvíkingarnir í Þorbirni komu síðan og svo koll af kolli ...