Ragna Bjarnadóttir hóf í morgun störf sem nýr forstjóri hjá Fangelsismálastofnun. Hún er fyrsta konan sem gegnir embættinu og jafnframt fyrsti nýi forstjóri stofnunarinnar í 18 ár. Birgir Jónasson hefur gegnt stöðu setts fangelsismálastjóra frá árinu 2024.

Ragna var skipuð í embættið í lok mars á grundvelli ákvæða laga um réttindi og skyldur starfsmanna ríkisins. Hún starfaði áður sem skrifstofustjóri í dómsmálaráðuneytinu frá 2017 og hefur frá árinu 2025 veitt skrifstofu almanna- og réttaröryggis forystu.

„Það eru áhugaverðir tímar og talsverðar áskoranir framundan í fangelsismálum á Íslandi. Við erum að fara að byggja nýtt fangelsi sem verður mikil breyting en það eru líka fjölmörg önnur verkefni í gangi, stór og smá. Ég er mjög þakklát fyrir að ráðherra skuli treysta mér fyrir embættinu á þessum tímamótum. Ég hlakka mikið til að kynnast öllu því frábæra fólki sem vinnur að fangelsismálum og leiða stofnunina í gegnum þessar breytingar,“ segir Ragna.