Samsæriskenningar sem tengjast Ghislaine Maxwell, nánum samstarfsaðila hins dæmda barnaníðings Jeffrey Epstein, eru að færast í aukana á netinu. Á samfélagsmiðlum hefur verið dregið í efa hvort nýlegt myndband af skýrslutöku hennar í fangelsi, sem og tilheyrandi ljósmyndir, séu í raun af henni.
Getgáturnar hófust eftir að upptaka af skýrslutöku í fangelsi kom fram, en sumir notendur héldu því fram að konan sem sjáist í myndbandinu sé ekki Maxwell heldur staðgengill.
Upptakan var birt af US House Oversight Committee og sýnir Maxwell taka þátt í skýrslutöku í gegnum fjarfundabúnað úr fangelsi. Við yfirheyrslur um tengsl hennar við Epstein og dóm hennar fyrir mansal vísaði hún ítrekað í fimmtu viðbót við stjórnarskrá Bandaríkjanna og neitaði að svara spurningum. Í upptökunni hafnaði hún meðal annars að svara því hvort hún hefði verið náin Epstein.
Eftir að myndbandið var birt fóru notendur á samfélagsmiðlum að deila samanburði á upptökunni og eldri ljósmyndum af Maxwell sem teknar voru fyrir handtöku hennar árið 2020. Í sumum færslum var því haldið fram að sjáanlegur munur væri á andlitsdráttum hennar, meðal annars í andlitslögun. Aðrir skýrðu meintar breytingar með þyngdaraukningu eða eðlilegri öldrun, en sumir gengu lengra og sögðu myndbandið sviðsett eða að um staðgengil væri að ræða.
Fullyrðingarnar hafa farið víða á netinu síðustu daga, þrátt fyrir að engar trúverðugar sannanir hafi komið fram sem styðja að sá einstaklingur sem sést í skýrslutökunni sé ekki sama manneskja og tengdist Epstein. „Er þetta yfir höfuð hún?“ spurði einn notandi.
Færsla sem birt var á X af álitsgjafanum Mario Nawfal bætti við vangaveltur á netinu. Þar sagði meðal annars
„Fólk er að velta því fyrir sér að konan á fangelsismyndunum líkist alls ekki Ghislaine Maxwell, með annað nef og önnur augu. Nú er sú kenning á sveimi að ekki aðeins sé Epstein enn á lífi … heldur sé Ghislaine ekki einu sinni sú sem situr í klefanum! Þótt ég efast um að þetta sé rétt, þá virðist allt mögulegt núna.“
Annar notandi skrifaði:
„Hún er annaðhvort búin að bæta á sig af kolvetnaríkum fangelsismat eða þetta er allt önnur manneskja.“
Einn notandi hélt því fram að Maxwell væri alls ekki í fangelsi og að málið væri sviðsett:
„Ghislaine Maxwell er ekki í raun í fangelsi. Þetta er bara enn einn sviðsettur atburður sem er ekki sannur. Þau vilja að almenningur trúi því að eitthvað réttlæti hafi náðst í Epstein-málinu, þegar það gerðist ekki. Barnaníðingar og mansalsmenn starfa enn óáreittir.“
Annar gantaðist:
„Í alvöru, einhver þarf að skoða þetta, því þetta er ekki Ghislaine Maxwell, þetta er Mike Meyers.“
Þá skrifaði annar:
„Fangelsið virðist hafa breytt Ghislaine Maxwell. Hún er komin með nýjan kjálka og nýtt nef. Miðaldra – eða augljóslega ekki sama konan?“
Maxwell var sakfelld árið 2021 fyrir alríkisbrot tengd kynferðislegu mansali, þar á meðal samsæri um að flytja ólögráða einstaklinga til ólögmætra kynferðislegra athafna, þátttöku í víðtæku mansalsneti og mansal á ólögráða einstaklingi. Hún afplánar nú 20 ára fangelsisdóm.
