Fara í efni
Þorbjörg Sigríður Gunnlaugsdóttir
„Fer svo heim að taka upp podcast þar sem hann titlar sig Ritstjórann“
Þorbjörg Sigríður Gunnlaugsdóttir
Innlent

Áttundi bekkur í ensku­tíma varð vitni að kyn­lífi starfs­manna

Sport

Hver er Theodór Elmar?

Pólitík

Hæddist að Snorra og Mið­flokknum í pontu

Innlent

Starfs­menn sagðir hafa stundað kyn­líf í skól­anum

Fólk

Stefán og Egill furða sig á kossa­hneyksl­inu í Haga­skóla

Innlent

Skóla­stjóri áréttar alvar­leika máls­ins eftir að myndir bár­ust

Innlent

Lög­reglan á Vest­ur­landi lýsir eftir 14 ára dreng

Heimur

Khloe Kar­dashian er demikyn­hneigð

Pólitík

Sagði frá kær­leik­anum sem hún finnur á Alþingi

Fólk

„Í dag eru tíu ár síðan ég varð fyrir nauðgun“

Segir risastórt geimskip hafa þotið fram hjá sólinni á nærri ljóshraða

„Geimskip af þess­ari stærð gæti flutt tugi þús­unda far­þega um alheim­inn á örskömmum tíma“

Geimskip?
Geimskip? Ekki er þetta Súperman ... Mynd: Nasa

UFO-áhuga­maður heldur því fram að mynd frá sól­ar­at­hug­un­ar­fari NASA sýni risa­vaxið geim­skip sem hann kallar „móð­ur­skip“. Engar vís­bend­ingar hafa þó verið lagðar fram um að fyr­ir­bærið sé geim­skip eða teng­ist geim­verum. Frá mál­inu segir Daily Mail Australia.

Sól­ar­at­hug­un­ar­farið SOHO, sem NASA notar til að fylgj­ast með sól­inni, tók nýlega mynd af óvenju­legu fyr­ir­bæri sem virð­ist svífa fram hjá henni.

Myndin var tekin 3. októ­ber og sýnir meðal ann­ars bjartar, ílangar og odd­laga mynd­anir í ytri loft­hjúp sól­ar­innar, svo­kall­aða kór­ón­u­strauma.

Á hægri hlið mynd­ar­innar má einnig sjá hvítt, sívaln­ings­laga fyr­ir­bæri. Scott C. Waring, sem rann­sakar meintar UFO-sjónir, telur að þar sé á ferð­inni risa­vaxið geim­skip geim­vera.

Waring heldur því fram á vef sínum, UFO Sight­ings Daily, að geim­skipið sé um 2,5 mílur á lengd og hálf míla á breidd, eða um fjórir kíló­metrar á lengd og 800 metrar á breidd.

„Geimskip af þess­ari stærð gæti flutt tugi þús­unda far­þega um alheim­inn á örskömmum tíma,“ skrif­aði Waring.

Hann full­yrðir einnig að skipið noti svo­kall­aðan drátt­ar­geisla til að draga þrjú minni, hnöttótt geim­för með sér. Hann segir það sjást á mynd­inni eftir að hann breytti henni í nega­tívu.

NASA hefur hins vegar ekki stað­fest að fyr­ir­bærið sé geim­far og hefur stofn­unin almennt sagt engar sann­anir liggja fyrir um geim­verur eða geim­för utan úr geimnum sem heim­sæki jörð­ina.

Waring telur að NASA muni ekki ræða fyr­ir­bærið opin­ber­lega.

„Þetta eru 100 pró­sent sönnun fyrir því að geim­verur fari dag­lega í gegnum okkar eigið sól­kerfi á meðan almenn­ingi er haldið í myrkr­inu um til­vist þeirra,“ skrif­aði hann.

Hann heldur því jafn­framt fram að fyr­ir­bærið hafi ferð­ast á nærri ljós­hraða, en engin gögn í frétt­inni stað­festa þá full­yrð­ingu.

Ber fyrirbærið saman við dularfullan gest úr öðru sólkerfi

Waring bar stærð fyr­ir­bær­is­ins saman við 3I/ATLAS, mið­geims­fyr­ir­bæri sem vakti mikla athygli árið 2025.

Talið er að 3I/ATLAS geti verið allt að 3,5 mílur að lengd, eða um 5,6 kíló­metrar. Stjörnu­fræð­ing­ur­inn Avi Loeb, pró­fessor við Harvard-háskóla, hefur þó sagt að fyr­ir­bærið gæti verið allt að sex mílur að lengd, eða tæpir tíu kíló­metrar.

3I/ATLAS fannst í júlí 2025 með ATLAS-sjón­auka­kerf­inu, sem leitar meðal ann­ars að fyr­ir­bærum sem gætu ógnað jörð­inni.

Loeb telur lík­leg­ast að 3I/ATLAS sé nátt­úru­leg hala­stjarna, þótt hann hafi ekki úti­lokað að óvenju­leg ein­kenni hennar gætu kallað á frek­ari rann­sóknir á upp­runa hennar.

Waring heldur því fram að fyr­ir­bærið á mynd NASA sé svipað að stærð og 3I/ATLAS, sem hann telur einnig geta verið geim­skip. Hann við­ur­kennir þó að það sam­ræm­ist ekki endi­lega fyrri hug­myndum um ferðir fyr­ir­bær­is­ins.

Milljónir millistjörnufyrirbæra í nágrenni sólar?

Í frétt­inni er einnig vísað til rann­sókna Loebs á því hvort mun fleiri fyr­ir­bæri úr öðrum sól­kerfum séu á sveimi í nágrenni sólar en áður var talið.

Í skýrslu sem hann birti í febr­úar lagði hann fram útreikn­inga sem benda til þess að um 35 millj­ónir mið­geims­fyr­ir­bæra, á stærð­ar­bil­inu um einn metri, kunni að vera innan brautar jarðar um sól­ina.

Nið­ur­stöð­urnar byggj­ast meðal ann­ars á grein­ingu tveggja mögu­legra mið­geims­loft­steina, CNEOS-22 og CNEOS-25, sem mæld­ust árið 2022 yfir Kyrra­hafi og árið 2025 yfir Barents­hafi á norð­ur­slóðum.

Fyr­ir­bærin voru lítil, um 1,8 og 1,2 metrar í þver­mál, en ferð­uð­ust nógu hratt til að fara yfir flótta­hraða sól­kerf­is­ins.

Loeb og sam­starfs­fólk hans áætl­uðu að slíkir loft­steinar rek­ist á jörð­ina um það bil á þriggja ára fresti. Það gæti bent til þess að fjöldi sam­bæri­legra fyr­ir­bæra sé á sveimi í nágrenni sólar.

Samkvæmt útreikn­ingum þeirra gæti hvert fyr­ir­bæri af þess­ari stærð inni­haldið um þrjár millj­ónir tonna af efni. Sam­an­lagt gæti heild­ar­magnið innan brautar jarðar numið um 220 millj­örðum tonna.

Stærri mið­geims­fyr­ir­bæri á borð við 3I/ATLAS eru mun sjald­gæfari, en vegna stærðar sinnar gætu þau lagt sam­bæri­legt magn til heild­ar­innar. Loeb telur mögu­legt að smærri fyr­ir­bæri séu brot úr stærri him­in­hnöttum.

Rann­sóknir á þessum fyr­ir­bærum gætu, að hans mati, varpað ljósi á hvernig efni berst milli sól­kerfa.

Meðal þekktra mið­geims­fyr­ir­bæra eru Oumuamua, sem fannst árið 2017, og hala­stjarnan Borisov, sem upp­götv­að­ist árið 2019. Bættur tækja­bún­aður, ný kyn­slóð sjón­auka og hugs­an­leg geim­för sem gætu elt uppi slík fyr­ir­bæri gætu hjálpað vís­inda­mönnum að rann­saka eig­in­leika þeirra, upp­runa og feril.

Engar stað­festar vís­bend­ingar eru þó um að fyr­ir­bærið á mynd SOHO sé geim­skip geim­vera.

Kjósa
1
Hvernig finnst þér þessi grein? Skráðu þig inn til að kjósa.

Veistu meira?

Athugasemdir

Skráðu þig inn til að skrifa athugasemd eða kjósa.
Allar athugasemdir eru ábyrgð á þeirra sem þær skrifa. Mannlíf áskilur sér rétt til að fjarlægja ærumeiðandi og óviðeigandi athugasemdir. Hægt er að láta vita af athugasemdum með því að smella á Tilkynna.

Mest lesið í vikunni

Innlent

Ógn­vekj­andi umfang tölvu­árásar á íslenskt hýs­ing­ar­fyr­ir­tæki

Fjársterkir tölvuþrjótar taldir hafa ráðist á 1984
Innlent

Dæmdur í níu ára fang­elsi fyrir kóka­ínsmygl með Norrænu

Heimur

Nýtt lyf í töflu­formi vekur vonir í bar­átt­unni við briskrabba­mein

Innlent

Talninga-Tómas verður Dómara-Tómas

Fólk

Sáttasex leysir ekki ágrein­ing­inn

Heimur

Breskir grínistar héldu leyni­lega lista yfir kyn­ferð­is­leg rán­dýr

Blaðamaðurinn Julia Raeside segir þekkta menn starfa áfram í skemmtanabransanum þrátt fyrir ásakanir um kynferðisbrot.

Setti bráð­skemmti­legt heims­met

Dauði og eyði­legg­ing eykst á Gaza þrátt fyrir vopna­hlé

Dán­ar­or­sök Sir Patricks Stewart stað­fest

Pólland rann­sakar óþekktan hlut sem féll úr lofti

Tvö alvar­leg umferð­ar­slys á sama veg­ar­kafla á Tenerife