Skítugir dýrabúgarðar og markaðir fullir af veikum, stressuðum dýrum geta verið uppsprettur nýrra banvænna veira sem smitast frá dýrum yfir í menn, að sögn sumra af fremstu heilbrigðissérfræðingum heims. Þeir vara við því að til að koma í veg fyrir framtíðarfaraldra þurfi að binda endi á verslun með feldi, sem þeir kalla tímasprengju. Einnig vekja þeir athygli á hættunni sem stafar af svokölluðum „votmörkuðum“ og ólöglegum viðskiptum með villt dýr.
Aðrir lýsa miklum áhyggjum af óeðlilegum aðstæðum í iðnvæddum dýraræktarbúum, þar sem tugir þúsunda dýra eru hýst saman á lokuðu svæði. Þeir vara við því að slíkar aðstæður geti skapað fullkomið umhverfi fyrir hraða útbreiðslu veira og baktería milli dýra.
Þetta kemur fram samhliða nýjum upplýsingum sem Mirror hefur undir höndum: Fyrsta staðfesta tilfelli í Bretlandi af svokölluðu öfugri Súnu (e. reverse zoonosis), þar sem inflúensa frá manneskju greindist í svínabúi. Um var að ræða verksmiðjubú í Norður-Írlandi, og fannst tilfellið í opinberum eftirlitsskjölum.
Þessi uppgötvun vekur miklar áhyggjur um bæði dýrasmit/Súnu (zoonosis) og öfuga Súnu, þar sem sama bú hafði einnig greint svínainflúensu meðal dýranna. Svipuð tilfelli þar sem menn smita svín hafa áður komið upp í Bandaríkjunum, en þetta mikilvæga breska tilfelli hefur ekki verið gert opinbert fyrr en nú.
Dale Vince, stofnandi Green Britain Foundation, gaf út alvarlega viðvörun:
„Við höfum þegar séð fuglaflensu smitast yfir í menn og nú, grafið í opinberri skýrslu, höfum við fundið sannanir fyrir því að mannasmit hafi farið yfir í svín, í fyrsta sinn.
Hversu lengi ætlum við að bíða þar til þessir fyrirbyggjanlegu sjúkdómar valda næsta heimsfaraldri? Við verðum að endurskoða samband okkar við dýr og gjörbreyta matvælakerfunum okkar.“
Vísindamenn segja að streita vegna fangelsunar rýri ónæmiskerfi dýra og auki „veiruútbreiðslu“ (e. virus shedding), sem skapi hættu á að sjúkdómar smitist í menn.
Dr. Hope Ferdowsian við læknadeild Háskólans í Nýju Mexíkó var hluti af hópi sérfræðinga sem í síðasta mánuði hvatti breska þingmenn til að banna útflutning felds í Bretlandi, til að stöðva feldverslunina og vernda lýðheilsu. Hún fékk til liðs við sig Dr. Jakob Zinsstag frá Háskólanum í Basel, sem sagði feldverslunina vera tímasprengju sem þurfi að aftengja.
