Sigurður Árni Hugason hefur verið dæmdur í fangelsi af Héraðsdómi Vestfjarða en dómur þess efnis var nýlega birtur.

Hann var ákærður fyrir líkamsárás fyrir utan félagsheimilið á Patreksfirði, Aðalstræti 63, aðfaranótt 30. maí 2025, með því að hafa ráðist á mann með því að skalla hann í andlitið. Afleiðing þessa fyrir maðurinn var sú að hann hlaut eymsli og væg bólgumerki við nefrót, báðu megin nasar, blæddi úr og hlaut bólgu og sár í efri vör og nokkuð mar í munnslímhúð á innanverðri efri vör.

Sigurður játaði brot sitt.

Hann var dæmdur í 30 daga fangelsi en dómurinn er skilorðsbundinn til tveggja ára. Þá þarf hann að greiða fórnarlambi sínu 150 þúsund krónur, auk vaxta, í miskabætur.