Þorsteinn Ólafsson, efnafræðingur og fyrrverandi landsliðsmarkvörður í knattspyrnu, er látinn, 75 ára að aldri.

Hann lést 5. júní síðastliðinn samkvæmt tilkynningu frá aðstandendum.

Þorsteinn fæddist í Keflavík 15. mars 1951 og lauk stúdentsprófi frá Menntaskólanum í Reykjavík árið 1972. Hann nam efnafræði við Lundarháskóla í Svíþjóð og útskrifaðist þaðan árið 1977. Hann starfaði meðal annars hjá lyfjafyrirtækinu AB Hässle í Gautaborg, Efnaverksmiðjunni Sjöfn á Akureyri og síðar hjá Olís.

Árið 1988 kom Þorsteinn að stofnun Styrktarfélags krabbameinssjúkra barna eftir að yngsta dóttir hans greindist með hvítblæði. Hann varð fyrsti formaður og framkvæmdastjóri félagsins.

Þorsteinn átti glæsilegan feril í knattspyrnu. Hann varð þrívegis Íslandsmeistari með Keflavík og bikarmeistari árið 1975. Hann lék 16 landsleiki fyrir Ísland á árunum 1971 til 1980 og þjálfaði síðar meðal annars Þór, Keflavík, Magna, Víði og Hauka.

Hann lætur eftir sig eiginkonu, börn, stjúpbörn, fimmtán barnabörn og sjö barnabarnabörn.